Top Channel/ Rritet besimi në ekonomi, muaji Korrik preku nivelin më të lartë në 4 vite për bizneset

Përshpejtimi i aktivitetit ekonomik në pjesën e parë të vitit ka rritur ndjeshëm besimin në ekonomi që në korrik preku nivelin më të lartë të katër viteve të fundit.


Sipas vrojtimit të Bankës së Shqipërisë treguesi ekonomike rezultoi në 110.4% muajin e kaluar, i ndikuar së tepërmi nga besimi i biznese që pa një rritje për të gjithë sektorët.

Vlerësimet e sipërmarrjeve që operojnë në sektorin e industrie janë përmirësuar ndjeshëm pasi presin rritje të kontratave porositëse, rritje të prodhimit dhe ecuri më të mirë të punësimit në vijim.

Më optimiste janë edhe bizneset e tregtisë dhe shërbimeve që paraqesin një situatë më pozitive lidhur me ecurinë aktuale të aktivitetit të tyre, me rritje të kërkesës, por jo kaq optimiste në drejtim të pritjeve për punësim në të ardhmen.

Trend në rritje ka ndjekur edhe treguesi i besimit në ndërtim, ndikuar kryesisht nga ecuria e mirë e porosive aktuale dhe aktiviteti ndërtues, ku pozitive paraqiten edhe vlerësimet për punëismin në këtë sektor.

Ndërsa besimi konsumator pas tre muaj në rritje, ka mbetur i pandryshuar në korrik sipas vrojtimit të bankës qendrore, duke bërë që niveli i tij të qëndrojë poshtë mesatares së vet afatgjatë.

Referuar vrojtimit, konsumatorët kanë përmirësuar vlerësimet e tyre lidhur me blerjet aktuale të mëdha si apartamente apo makina si dhe parashikimet për të ardhmen.

Megjithatë, paraqiten më pesimiste pritshmëritë për situatën e përgjithshme ekonomike dhe situatën e tyre financiare, ndikuar së tepërmi nga pasiguritë që lidhen me pandeminë Covid-19, ku ditët e fundit rastet janë rritur ndjeshëm, e bashkë me to edhe pikëpyetjet mbi atë çka na prêt në vjeshtë, nëse do të përballemi apo jo me kufizime të reja.

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Për më shumë vizitoni: http://top-channel.tv/

Subscribe to "Top Channel" on YouTube Channel for NEWS and TV
Shows HERE: http://bit.ly/2Y15KwK
For more content from click HERE: www.top-channel.tv
Like Top Channel on Facebook HERE: http://bit.ly/2FglWTs
Follow Top Channel on Instagram HERE: http://bit.ly/2uaYG2U
Follow Top Channel on Twitter HERE: http://bit.ly/2TJndeH
#Ekonomia#Korrik#TopChannelNews

01:41
0 комментариев
Написать комментарий

Партнёры клуба